يآهيــــــــــه وإسمع دعاي لك يـا هيــــــــــه
ترى عادك بتشبـع مـن البعـد وأتــــــــــواجه
دعيتك بصوتٍ ياصلـك ليـه مـا توحيـــــــــــــه
وأنا أسمع ضلوعك من صدى الصوت لجاجه
عليــــــــــــك الفـؤاد إخلاجـه مصمـخٍ راعيـه
خـــــف الله في راعيـه مـا تسمـع إخلاجـه؟؟
تـــــــرى العفو قد جـاك أولـه وإغتنـم تاليـه
وترى الحلم بحرٍ غيـر لا تامـن أمواجـــــــــه
وتـــــــرى الـود ليـلٍ مظلـمٍ جيتلـك ساريــه
ســـــــراجه وصالـك والجفـا ينفـخ سراجـه
وترى قصرنا اللي كم سنة نجمـع ونبنيــــه
هوى العذال يطيـح بابـه العـود وسياجـــــه
لي أيام مـدري ويـن دارك ولا أدري ليــــــه
وأنا خابـر إنـي بـاب شفـك ومزلاجـــــــــــه
غيـــــــــــــــــابٍ بـلا سبـة هجـادٍ بــلا تنبـيـه
وجفـــا أغلى العرب نارٍ على الكبـد وهاجـه
نضج قلبي من البعـد وش حاجتـك تكويـه؟
جفاك الجمر والصبر فـي بعـدك الصاجــــه
وطبـــــــع حبـك بقلبـي والأيـام مـا تمحيـــه
هــــــــذا هجـرك يحـاول يموجـه ولا ماجـه
يموت الأمـل لكـن ظنـون الغــــــــلا تحييـــه
وعروق الوفـا فالـروح والقلـب وجاجـــــــــه
خبرتوا حدٍ يبكـي علـى واحـدٍ يبكيــــــــــــه
وخبر توا حدٍ مسجون ما يبغـي إفراجــــــه
أحبـــــــه ولا أبغضتـه علـى شـيٍ يسويــه
ولا زالـــــــــــت رقـاب الرجـا فيـه منعـاجـه
عسى منزلٍ ضمه حقـوق الوســم تسقيـه
وتضحك له الدنيا وهـو يضحـك حجاجــــــــه
فقد خاطـري شـي مـن الضيقـة مسليــــه
وغدت روحي من النـاس والليـل هجاجــــه
أروح لمكـانٍ خابـره خابـره يآتـيــــــــــــــــه
أسوق القدم صوبـه وهـي مالهـا حاجـــــه
مكـــــــــــانٍ نزيـه وأول مواجهـي لـه فـيـه
وأنـــــــــــــــا خابـرٍ مـا رجـل مثلـه بـدواجـه
لعــــل وعسـى مـا حدنـي للمجـي يدعيـه
وأشوفــــــه وأنـا مـا ودي أسبـب إحراجـه
يحـــــــب الجريح آخـر دروب اللقـى ويجيـه
وتحـــــــــب القـدم جيـة مكـان أول مواجـه
/
/
لٍـ محمد بن فطيس
الرئيسية 
عدد مشاركــات
