الحزن بيت وصادق الدمع شباك
..................... والليل خيّم فوق صدر القصيده
والهم شعله والمعاذير تنباك
................... منها ضلوع الصدر راحت وقيده
طعنت ظهر الحب وزداد الارباك
.................... ولا فيه علم ٍ جاي من تحت حيده
وحاولت ادراي غلطتك واتحاشاك
................... واثرك من الله ودك ابها نكيده
مدري وش اللي فيه قصرت وش جاك
................. مصدوم منك و صدمتي بك شديده
مدري اقول انك على البال وابغاك
.................... والا غديت لمخلب الكره صيده
اتعبتني من كثر ما ودي ارضاك
................... وضحيت من شانك باشياء عديده
و كثر الخطا من عين مغليك وطاك
.................... من عقب مانت براس ماله رصيده
تراء معاذيرك شكى من سواياك
.................. ماعاد باقي فيه صفحه جديده
صـــحيــح أحبك واعشقك واتمناك
................. لكن سجين الصدر فكيت قيده
تعبت اجمّل فيك وادمح خطاياك
................... ياخي ترا مشاعري عـ الحديده
ماعادني يا صاحبي بترجاك
................... فارق ترا لا رحت ما انت بفقيده
مانيب قايل عذّب القلب فرقاك
.................... بالعكس من بعدك حياتي سعيده
أتمنى أن ترتقي لذوقكمـ الرفيع
.
.
.
الرئيسية 
عدد مشاركــات
