ماشي معاها ومفتخر

ماشي معاها ومفتخر كن الأمر لا مايعنيك

كانك أبو كانك أخو كانك ريل كيف الزمامة ضيعتها من بين إيديك

تزعل لو أحد ِقالها ما إنك رجل ليش تزعل أصل الرجولة ماهي فيك

تمشي تفاخر فيها وبوسط البشر وهي عارية يامسلم بس الله يهديك

ليش ضيعت الهوية شمنتظر حب وسعاده وإلا عذاب بيعتريك

حاير بدنياك و باب الخير مصكوك من تمر ماتدري إذنوبك هي اللي تحتويك

تمشي بها شبه عارية بيال البحر شابك إديك ابإيدها مب عيب عليك

وإلا بمطاعم تمشي فيها ومفتخر ماهو فخر الله ياهي حسرة في قلبك تجيك

تعصرك ثم تعصرك وبتعصرك وتقول ليش السعادة ما تبيك

من عاند المعبود حتما بيخسر ماتدري الله يغار أو إنها جديده عليك

يامغير المشية خاف الله بهلك ولا تقول ما اقدر قول أقدر وبتجيك

إرجع الأصلك بدوي وإلا حضر وإنظر تراب وطن وآطته رجليك

ياما تعبو حتى تحصل !هالبطر جدك وجدتك وأموات ِتحتريك

لا تقلد الكافر ترا مامن فخر هوله قبر وإنت بقبرمالك به شريك

راجع ذنوبك دام باقيلك عمر الله عطاك مهلة لا تضيع من إيديك

أصل المسلمة ماتشوف منها لو ظفر وإشفي حريمك مكشفه دايخ إشفيك

صارت رجولة بعضكم فيها ابتهر إنه يوري عورته هذي وذيك

إخته زوجته بنته والله قهر يا مدعي الإسلام إشفيك وإشفيك

لاتقول موبإيدي بيسألك رب البشر جنة ترى ماهي على الكيف بتجيك

وجان ماتبي جنة إنحش من سقر والله سجارة ماتحتمل نارها إديك

لاتمشي فوق بركان وتحسب إنه نهر صدقني ماتحرق غيريدك ورجليك

كان حرمتك ناشز قضبها بحر وإن كان بنت أوإخت الأمر بإديك

لا تغمض عيونك تقول مالي أمر إنت كلمتك تمشي بس الله مبليك

ينظر يشوفك تغتاض لدينة وتنعصر وإلا المره بفلوسها بدموعها وبغنجها تب تشريك

يابايع الآخرة وقف وإعتبر وقول القبور كم
فيها طيب وكم من صعاليك

يمكن تشوف قبر ويمه هم قبر لكن هذا منعم وذاك بتهاليك

روووووووووووووووووووعة

في الصميم

آنت آلآروووع

شكراً لك